कपिलवस्तुमा खसीबोकाको तस्करी बढदै : भन्सार छलि नेपाल भित्रिदै गर्दा पक्रऊ

कृष्णनगर भदौ ८

कपिलवस्तुमा भारतबाट नेपालतर्फ भन्सार छली ल्याएदै गरेका खसीबोका ईलाका प्रहरी कार्यालय गणेशपुर प्रहरीले बरामद गरेको छ । ईलाका प्रहरी कार्यालय गणेशपुरबाट खएिको प्रहरी टोलीले गेडुवाजोतबाट १ लाख ४ हजार बराबरको खसीबोका बरामद गरेको हो । भारतको सीमावर्ती नाका कृष्णनगरको बाटो हुँदै ल्याउँदै गरेका खसीबोका गेडुवाजोतमा प्रहरीलाई देखेपछि खसीबोका ल्याउने व्यक्तिहरु भारततर्फ भागेका थिए ।

बरामद गरिएका खसिबोका पशु क्वारेन्टाइन कृष्णनगरमा बुझाइएको र उक्त खसिबोका १ लाख ४ हजारमा लिलाम गरिएको इलाका प्रहरी कार्यालय गणेशपुरका प्रहरी निरिक्षक मधु नेपालले जानकारी दिनुभएको छ ।