बाग्मती प्रदेशको नीति तथा कार्यक्रममा के–के समेटियो ?

मकवानपुर – बाग्मती प्रदेशको आउँदो आर्थिक वर्ष २०७९–८० को नीति तथा कार्यक्रम आज सोमवार प्रदेश सभा सचिवालयमा प्रस्तुत गरिएको छ । बाग्मती प्रदेशका प्रमुख यादवचन्द्र शर्माले नीति तथा कार्यक्रम प्रदेश सभामा प्रस्तुत गर्नुभएको हो ।

प्रदेशको नीति तथा कार्यक्रम सार्वजनिक गर्दै शर्माले विद्यालयको भौतिक सुधार गरी आधुनिक पाठ्य सामग्री तयार पारी प्रत्येक जिल्लाको कम्तीमा एक विद्यालयमा नमुना बाल विकास केन्द्र सञ्चालन गरिने बताउनुभयो ।

गुरुयोजना स्वीकृत भएका आवासीय विद्यालयकाहरूको भौतिक विकास गर्नुका साथै नमुना विद्यालयमा विकास गुरुयोजना कार्यान्वयन गरिने उहाँले उल्लेख गर्नुभयो ।

सामुदायिक विद्यालयको गुणस्तर अभिवृद्धिका लागि सूचना प्रविधि प्रयोगशाला, विज्ञान तथा विषयगत प्रयोगशालाहरू स्थापना गरिने प्रदेश प्रमुख शर्माले बताउनुभयो । बाग्मती प्रदेशलाई शिक्षाको हबको रूपमा विकास गर्दै लैजाने नीति तथा कार्यक्रममा उल्लेख छ ।

उच्च शिक्षा पढ्नका लागि ‘छोरी–बुहारीलाई छात्रवृत्ति’ कार्यक्रमलाई निरन्तरता दिइने भएको छ भने प्रदेशस्तरीय खेलकुद प्रतियोगिता आयोजना गर्ने र रङ्गशाला निर्माण गर्ने योजना अघि बढाइएको छ ।

पशु बीमालाई प्रभावकारी बनाउने र सङ्घ तथा पालिकाको समन्वयमा ‘एक वडा, एक पशु सेवा कार्यालय’ को स्थापना गरिने प्रदेश प्रमुख शर्माले बताउनुभयो ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…