पर्यटक भिसामा खाडी मुलुक जान लागेका १९७ जना नियन्त्रणमा

काठमाडौं : त्रिभुवन अन्तर्राष्ट्रिय विमानस्थल सुरक्षा कार्यालयले पर्यटक भिसामा खाडीमुलुक जान लागेका १९७ लाई नियन्त्रणमा लिएको छ ।

यही भदौ ८ देखि ११ गतेसम्म विभिन्न एयरलाइन्सको उडानद्वारा पर्यटक प्रवेशाज्ञा लिई खाडी मुलुकतर्फ प्रस्थान गर्न लागेका उनीहरूलाई विमानस्थलको प्रस्थान क्षेत्रबाट नियन्त्रणमा लिएको विमानस्थल सुरक्षा कार्यालयले जानकारी गराएको छ ।

विमानतर्फ प्रस्थान गर्ने क्रममा जाँच गर्दा उनीहरूको हवाइ यात्रा अनुमति कागजात शंकास्पद देखिएकाले नियन्त्रणमा लिएको जनाइएको छ।

नियन्त्रणमा लिइएकामा १०३ महिला र ९४ पुरुष छन्। उनीहरूलाई आवश्यक अनुसन्धानका लागि प्रहरीको मानव बेचबिखन अनुसन्धान ब्यूरो, बबरमहलमा बुझाएको विमानस्थल सुरक्षा कार्यालयले जनाएको छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…