ट्रकमा अटो ठोक्किँदा एकजनाको मृत्यु, तीन घाइते

हेटौंडा : मकवानपुरको बागमती गाउँपालिकामा मलामी गएर फर्केको अटो दुर्घटना हुँदा एकजनाको मृत्यु भएको छ। तीन जना घाइते भएका छन् ।

शुक्रबार राति धरान चतरा सडकखण्ड अन्तर्गत मकवानपुरको बागमती–५ कोइलादमार चोकनजिक अटो दुर्घटना भएको हो ।

ना १ ह ५८५५ नम्बरको अटो रोकिराखेको बागमती प्रदेश ०३–००१ क ४१३ नम्बरको ट्रकमा ठोक्किएको थियो। मलामी गएर फर्केका बागमती ८ का रामबहादुर गोलेको मृत्यु भएको मकवानपुरका प्रहरी प्रमुख टेकबहादुर कार्कीले जानकारी दिए।

अटो चालक सिंहबहादुर योञ्जन, यात्रु वीर बहादुर थोकर र लक्ष्मण राई घाइते भएका छन्। तीनैजना बागमती–८ निवासी हुन्।

घाइतेको उपचार हेटौंडा–११ स्थित चुरेहिल अस्पतालमा उपचार भइरहेको कार्कीले बताए। ट्रक इलाका प्रहरी कार्यालय फापरबारीको नियन्त्रणमा रहेको जिल्ला प्रहरी कार्यालय मकवानपुरले जनाएको छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…