प्रदेश २ को रौतहटमा थप १० जनामा कोरोना संक्रमण पुष्टि

काठमाडौँ । प्रदेश २ अन्तरगतको रौतहट राजापुर नगरपालिका फरहदवा र इशनाथ नगरपलिकामा थप १० जनामा कोरोना संक्रमण भेटिएको छ । राजापुर नगरपालिका ९ का १८, ३२, ३६, ३९, ३९, ४२ र ४८ वर्षका पुरुष तथा रौतहट इशनाथ नगरपालिका ३ र ५ मा बस्ने २८, ३० र ३३ वर्षका पुरुषमा संक्रमण देखिएको स्वास्थ्य मन्त्रालयले जानकारी दिएको छ ।

नेपालमा योसँगै कोरोना भाइरसबाट संक्रमित हुनेको संख्या २९१ पुगेको छ । आइतबार राष्ट्रिय जनस्वास्थ्य प्रयोगशालामा गरिएको परीक्षणमा थप १० जनामा संक्रमण पुष्टि भएसँगै संक्रमितको संख्या २९१ पुगेको हो ।

शनिबार संक्रमण पुष्टि भएकाहरुमा रौतहटको राजपुर नगरपालिका र इशनाथ नगरपालिकाका रहेका स्वास्थ्य मन्त्रालयका सहप्रवक्ता डाक्टर समिरकुमार अधिकारीले जानकारी दिनुभएको हो । यससँगै रौतहटमा मात्रै संक्रमितको संख्या १३ पुगेको छ ।