इंग्लिस प्रिमियर लिगमा न्युक्यासलले टोटेनहमलाई हरायो

एजेन्सी । इंग्लिस प्रिमियर लिग फुटबलमा न्युक्यासल युनाईटेडले टोटेनहम हट्सपरलाई २–१ गोल अन्तरले हराएको छ ।

न्युक्यासलका लागि पहिलो हाफमा क्यालम विल्सन र मिगुएल अल्मिरोनले एक–एक गोल गरे । टोटनहमका लागि दोस्रो हाफमा ह्यारी केनले गोल गरे ।

गएराति घरेलु टोली टोटेनहमलाई हराएसँगै न्युक्यासल तालिकाको चाैँथो स्थानमा उक्लिएको छ । उसले १२ खेलबाट २१ अंक जोडेको छ । टोटेनहम २३ अंक सहित तालिकाको तेस्रो स्थानमा यथावत छ ।

यस्तै गएराति नै भएको अर्को खेलमा लिग लिडर आर्सनल बराबरीमा रोकिएको छ । आर्सनलले साउथह्याम्टनसँग १–१ गोलको बराबरी खेल्दै अंक बाँडेको हो । आर्सनलका लागि ग्रेनाइट जाका र साउथह्याम्टनका लागि स्टुअर्ट आर्मस्ट्रागले गोल गरे ।

तालिकाको पुछारमा रहेको टोलीसँग बराबरी खेल्दै लिग लिडर आर्सनलले अंक गुमाएको छ ।

यस्तै गएराति नै भएको अर्को खेलमा एस्टन भिल्लाले ब्रेन्टफोर्डलाई ४–० गोल अन्तरले हरायो भने लेस्टर सिटीले उल्भ्सलाई उसैको मैदानमा ४–० ले पराजित गर्यो ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…