राप्रपा लुम्बिनी प्रदेश सरकारबाट बाहिरिने संकेत देखिएन

कपिलवस्तु । राष्ट्रिय प्रजातन्त्र पार्टीले गत १३ गते शनिबार संघ सरकारबाट बाहिर निस्क्यो । राप्रपाले वर्तमान केन्द्र सरकार अनुपयुक्त भएको भन्दै सरकारलाई दिएको समर्थन फिर्ता लिँदै सरकारबाट बाहिरिएको हो ।

राप्रपाले क्रियाशील रहेको बेला वर्तमान सत्ता सहकार्यमा आकस्मिक परिवर्तन भई मुलुक पुनः सत्ता केन्द्रित अस्थिरतातर्फ धकेलिएको भन्दै सरकारबाट समर्थन फिर्ता लियो । सत्तामा रहिरहनु अनुपयुक्त हुने ठहर गर्दै राप्रपाले सरकारलाई दिएको समर्थन फिर्ता लिई सरबारबाट बाहिरिने निर्णय गरेको थियो ।

यसै अनुरुपमा प्रदेश सरकारलाई पनि दिएको समर्थन फिर्ता लिई सरकारबाट बाहिरिने निर्णयसमेत गरेको छ । राप्रपाले प्रदेश सरकारबाट बाहिरिने निर्णय गरेको ५ दिन बित्दा पनि प्रदेश सरकारबाट निस्कने नैतिकता देखाएको छैन ।

राप्रपाबाट लुम्बिनी प्रदेश सरकारको उद्योग, पर्यटन तथा यातायात व्यवस्था मन्त्री बनेका जानकी प्रसाद यादवले अझैसम्म सरकारबाट राजीनामा दिएका छैनन् । केन्द्र सरकारबाट बाहिरिए पनि प्रदेश सरकारमा सत्ताको लोभमा बसेको हुन सक्ने राजनीतिक स्थिति देखिएको छ ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…