नेपालले मलेसियालाई दियो १८४ रनको लक्ष्य

काठमाडौं : एसीसी मेन्स अन्डर–सिक्स्टिन इस्ट जोन क्रिकेटमा नेपाल मलेसियालाई १८४ रनको विजयी लक्ष्य दिएको छ।

मलेसियाको बांगीस्थित बायोमास ओभल क्रिकेट मैदानमा भएको खेलमा टस जितेर पहिले ब्याटिङ गरेको नेपालले ३३ दशमलव ४ ओभरमा सबै विकेट गुमाएर १८३ रन बनायो।

नेपालका लागि अशोक धामीले अर्धशतक पूरा गरे। उनले ५ छक्का र ३ चौकाको मद्दतमा ५२ रन बनाएका थिए। यस्तै नरेन भट्ट र सुर्यांशु कोइरालाले समान २९ रनको योगदान गरे। मलेसियाका हाजिक हेइकल मोहम्मद अक्रम, अरेन अकिल र मोहम्मद मुक्रीले समान २ विकेट लिए।

१८४ रनको विजयी लक्ष्य सहित मलेसिया अहिले ब्याटिङ गरिरहेको छ। आज हुने खेलको विजेता टोली समूह ए को विजेता बन्नेछ। पराजित टोलीले उपविजेताको रुपमा सेमिफाइनलमा स्थान बनाउने छन्।

समूह बी बाट सिंगापुर र हङकङबीच आजै भइरहेको खेलबाट विजेता र उप विजेताको टुंगो लाग्नेछ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…