तेस्रो पुष्पसदन कप बास्केटबल शुक्रबारदेखि

२७ भदौ, ललितपुर : पुष्पसदन स्कुल कीर्तिपुरले तेस्रो पुष्पसदन कप काठमाडौं उपत्यकाव्पापी अन्तरविद्यालय बास्केटबल प्रतियोगिता आयोजना गर्ने भएको छ।

आगामी शुक्रबारदेखि असोज ८ गतेसम्म लिगकम नकआउटको आधारमा सञ्चालन हुने उक्त प्रतियोगितामा सिनियर ब्वाइजतर्फ १६, जुनियर ब्वाइजतर्फ ८ र गर्ल्स (३×३) तर्फ १ गरी २५ विद्यालय सहभागी भएका छन्।

खेल पुष्पसदन स्कुलको बास्केटबल कोर्टमा हुनेछ। विभिन्न सहभागी विद्यालयका प्रतिनिधिको रोहवरमा मंगलबार टाइसिट ड्र गरिएको छ।

प्रतियोगितामा प्रथम र द्वितीय हुनेलाई ट्रफी, मेडल र सर्टिफिकेट प्रदान गरिनेछ भने प्रतियोगिताका बेस्ट प्लेयर, इमर्जिङ प्लेयर र फेयर प्लेका लागि पनि विशेष पुरस्कार राखिएको आयोजकले जनाएको छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…