आईसीसी विश्वकपमा आज अफगानिस्तान र नेदरल्याण्ड्स भिड्ने

१७ कार्तिक, एजेन्सी

भारतमा जारी आईसीसी एकदिवसीय विश्वकप क्रिकेटमा आज अफगानिस्तान र नेदरल्याण्ड्स भिड्दैछन्। यी दुई टोलीबीचको खेल दिउँसो सवा २ बजे लखनऊमा शुरु हुनेछ।

जारी प्रतियोगितामा अफगानिस्तानले ६ खेलमध्ये ३ खेल जित्दै ६ अंक जोडेको छ। यस्तै समान खेलबाट नेदरल्याण्ड्सले २ खेलमा जित निकालेर ४ अंक जोडेको छ। अफगानिस्तान आजको खेल जित्दै सेमिफाइनलको सम्भावना जिवित राख्न चाहन्छ भने नेदरल्याण्ड्स अंक तालिकामा स्थान सुधारको लक्ष्यमा हुनेछ।

यी दुई टोलीबीचको हेड टू हेडमा पछिल्ला ५ खेलमध्ये नेदरल्याण्ड्स एक खेलमा मात्र विजयी भएको छ भने अफगानिस्तानले ५ खेलमा जित निकालेको छ।

यसअघि गएराति सकिएको खेलमा भारतले श्रीलंकाविरुद्ध ३०२ रनको प्रभावशाली जित निकालेको थियो। यससँगै भारतले आफ्ना सबै ७ खेलमा शतप्रतिशत जित निकाल्दै सेमिफाइनलमा स्थान सुरक्षित गरिसकेको छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…