समाजवादबाट मात्रै ‘सुखी नेपाली समृद्ध नेपाल’ : सम्मानित नेता खनाल

काठमाडौँ : नेकपा (एकीकृत समाजवादी) का सम्मानित नेता झलनाथ खनालले समाजवादमा पुगेर मात्रै देशलाई समृद्ध बनाउन सकिने बताएका छन्।

आइतवार अनेरास्ववियु त्रिचन्द्र क्याम्पस कमिटीको आयोजनामा भएको बृहत् होली मिलन कार्यक्रमलाई संक्षिप्त सम्बोधन गर्दै सम्मानित नेता खनालले समाजवाद प्राप्त गरेर मात्रै देशमा शान्ति र समृद्धि ल्याउन सकिने बताएका हुन्।

उनले देशको विकास गर्न र विकृति, विसंगति अन्त्य गर्न समाजवाद आवश्यक भएको बताए। उनले समाजवादको भविष्यमा पुगेर मात्रै देशलाई समृद्ध देशको रूपमा रूपान्तरण गर्न सकिने बताए। खनालले सुखी नेपाली समृद्ध नेपालको सपना समाजवाद अघि पूरा हुन नसक्ने बताए।

उनले भने, ‘समाजवाद प्राप्त गरेर मात्रै तपाईं, हामीले देशमा शान्ति, समृद्धि ल्याउन सक्छौँ। विकास ल्याउन सक्छौँ। आजको सारा विकृति र विसंगति अन्त्य गर्नसक्छौँ। आजको युग समाजवादको युग हो। हाम्रो पार्टीले एउटा नारा तय गरेको छ, दक्षिणपन्थी अवसरवादको विरोध गरौँ, समाजवाद निर्माण गर्नका लागि अगाडि बढौँ।’

सम्मानित नेता खनालले देशका युवाहरू साम्राज्यवादी, प्रभुत्ववादी र हस्तक्षेपकारी शक्तिहरूका विरुद्ध एकताबद्ध भएर अघि बढ्नुपर्ने बताए। उनले देशभित्रै शोषण, दमन र अत्याचार गर्ने दलाल पुँजीवादी शक्तिका विरुद्ध पनि आम जनतालाई एकताबद्ध बनाएर लैजानुपर्ने बताए।

उनले विद्यार्थीलाई राज्यको उपल्लो निकायसम्म पुग्न शुभकामना दिँदै भ्रष्टाचारी कहिल्यै नबन्न भने।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…