१८ ओभर २ बलमा गुजरात अलआउट‚ जित्न नेपाललाई ९९ रन चाहिने

काठमाडौँ : भारत भ्रमणमा गएको नेपाली राष्ट्रिय क्रिकेट टोलीलाई आज पहिलो खेलमा गुजरातले जितका लागि ९९ रनको लक्ष्य दिएको छ।

एसएमएस फ्रेन्डसिप कप टी–२० क्रिकेट प्रतियोगिताको टस जितेर पहिले फिल्डिङ रोजेका पाहुना कप्तान रोहित पौडेलको निर्णयलाई सही सावित गर्दै नेपाली बलरहरुले राम्रो प्रदर्शन गरेपछि गुजरात ९८ रनमै अल आउट भयो।

गुजरातको वापीमा गुजरातका लागि ओपनर रुद्र पटेलले सर्वाधिक २३ रन बनाए। गुजरातका लागि हेमांग पटेलले २० रन‚ सरल प्रजापतिले १७ रन‚ अभिषेक देसाईले ११ रन र स्मित पटेलले १० रन बनाए।

कुल स्कोर १९ रनमा गुजरातको पहिलो विकेट खसेको थियो। त्यसपछि नियमित अन्तरालमा विकेट खस्दा गुजरातले गतिलो योगफल तयार पार्न सकेन।

नेपालका लागि सर्वाधिक ४ विकेट गुलशन झाले लिए। करण केसीले १ ओभर मेडन राख्दै ३ विकेट लिए भने सोमपाल कामीको नाममा एक विकेट रह्यो। अभिनाश बोहरा र दिपेन्द्रसिंह ऐरीले कुनै विकेट लिन सकेनन्।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…