महिला हिंसा अन्त्यका लागि कडा कानुन बनाउन आग्रह

काठमाडौं

सांसदहरुले महिला हिंसा अन्त्यका लागि कडा कानुन बनाउन सरकारसँग माग गरेका छन् ।

राष्ट्रियसभाको बुधबार बसेको बैठकको शून्य समयमा बोल्दै सांसदहरुले महिलामाथि दिन–प्रतिदिन हिंसा बढ्दै गएको भन्दै रोक्नका लागि कडा कानुन ल्याउन सरकारको ध्यानाकर्षण गराएका हुन् ।

बैठकमा सांसद धनकुमारी खतिवडाले हत्या, हिंसा र बालिका तथा किशोरीमाथि बलात्कारका घटना बढेको भन्दै दोषीलाई कडा कारबाही गर्न सरकारसँग माग गरिन् ।

उनले सरकारले प्रभावकारी सुरक्षा व्यवस्थाको प्रत्याभूति गर्न नसकेकाले हत्या, हिंसा र बलात्कारका घटना बढिरहेको जिकिर गरिन् ।

सांसद मुक्ताकुमारी यादवले प्रदेश नम्बर–२ को सरकारले ‘बेटी बचाऊ बेटी पढाऊ’ नारा अघि सारिरहेका बेला बालिकामाथि ‘एसिड’ आक्रमण भएको भन्दै संविधान संशोधन गरेर अपराधीलाई फाँसीको सजाय दिने व्यवस्था गर्न माग गरिन् ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…