एकीकृत समाजवादीको वरिष्ठ उपाध्यक्षमा राजेन्द्र पाण्डे निर्विरोध

काठमाडौं : नेकपा एकीकृत समाजवादीको वरिष्ठ उपाध्यक्षमा राजेन्द्र पाण्डे निर्विरोध निर्वाचित भएका छन्। अर्का उम्मेदवार घनेन्द्र बस्नेतले उम्मेदवारी फिर्ता लिएपछि पाण्डे निर्विरोध भएका नेता जीवनराम श्रेष्ठले जानकारी दिए। यद्यपि निर्वाचन समितिले औपचारिक घाेषणा गर्न भने बाँकी छ।

अझै एक घण्टा समय बाँकी रहेकाले अन्य पदका केही उम्मेदवारहरूबीच पनि उम्मेदवारी फिर्ता लिनेबारे छलफल भइरहेकाे नेता श्रेष्ठले जाकारी दिए।

एकीकृत समाजवादीमा २१ सदस्यीय पदाधिकारीको व्यवस्था छ तर हाल अध्यक्ष, सम्मानित नेता र महासचिव गरी तीन पदाधिकारी मात्र छन् ।
आज सबै पदका लागि निर्वाचन हुँदै छ। १०५ पोलिटब्युरो सदस्य पनि आजै चुनिनेछन्।

वरिष्ठ उपाध्यक्ष निर्विरोध चयन भएपछि अब ६ उपाध्यक्ष, चार उपमहासचिव र ७ सचिव र पोलिटब्युरो सदस्य चयन गरिँदै छ। एकीकृत समाजवादीमा ३४४ सदस्यीय केन्द्रीय कमिटीको व्यवस्था छ। केन्द्रीय कमिटी सदस्यहरूले पदाधिकारी र पोलिटब्यूरो चयन गर्न लागेका हुन्।

अन्य पदका लागि दिउँसो २ बजेदेखि मतदान शुरु गर्ने तयारी गरिएको छ ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…