दोरम्बा पहिरो, मृतकको संख्या ८ पुग्यो, दुई जना अझै बेपत्ता

रामेछाप : रामेछाप जिल्लाको दोरम्बा शैलुङ्ग गाउँपालिका–३ लेखर्कमा गत आइतबार बिहान गएको पहिरोमा परि मृत्यु हुनेको संख्या आठ पुगेको छ।

बेपत्ता तीन जना मध्ये बुधबार बिहान पहिरोमा पुरिएको अवस्थामा थप एक जनाको शव फेला परेपछि मृतकको संख्या आठ पुगेको हो।

नेपाल प्रहरी, नेपाली सेना र सशस्त्र प्रहरीको संयुक्त टोलीले खोजि गर्ने क्रममा पहिरोले पुरेको अबस्थामा मंगलबार दिउँसो स्थानीय २३ वर्षकी बिन्दा पहरीको शव फेला पारेको जिल्ला प्रहरी कार्यालय रामेछापकाका सूचना अधिकारी रञ्जनकुमार गिरीले जानकारी दिए।

बिन्दाको शव उनको परिवारले बुझेको छ। उनको शरीरको तल्लो भाग मात्र भेटिएकाले उनका श्रीमानले आफ्नै श्रीमतीको शव भएको भनेर बुझेको गिरीको भनाइ छ।

यस्तै आज बिहान पनि एक जनाको खुट्टामात्रै भेटिएको प्रहरी निरीक्षक गिरीले बताए। पहिरोमा अझै दुई जना बेपत्ता छन्। बेपत्ता हुनेमा काले पहरी र झ्याउँकुरी पहरी छन्। सोमबार ७५ वर्षीय पुड्की पहरीको शव फेला परेको थियो।

चार घर परिवारको ५ घर पहिरोले पूर्ण क्षति गरेको त्यहाँ आइतबारै खोजतलास गर्ने क्रममा शिक्षिका ३० वर्षीय चण्डिका श्रेष्ठ, उनका १८ महिने छोरा आमुष श्रेष्ठ मृत भेटिएका थिए।

त्यस्तै ५७ वर्षकी उर्मिला पहरी, ३० वर्षीय सन्दीप पहरी, ११ वर्षीय सन्तोष पहरी, १४ वर्षीय विज्ञान पहरी आइतबार मृत भेटिएका थिए। उनीहरू चार जना एकै परिवारका हुन्।

एक जना घाइते ११ वर्षीय अन्जना श्रेष्ठको काठमाडौँमा उपचार भइरहेको छ। पहिरोका कारण लेखर्कका ५९ परिवार विस्थापित भएका छन्।

विस्थापित परिवारलाई गाउँ नजिकैको कण्ठेश्वर माविको भवन र गाउँ पालिकाको खाली कोठाहरुमा राखिएको गाउँपालिकाले जनाएको छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…