इजरायल-प्यालेष्टाइन द्वन्द्व समाधानका लागि स्पेनमा बैठक

एजेन्सी

युरोपेली संघ (ईयू) का विदेश मामिला प्रमुखसँग मुस्लिम र युरोपेली मुलुकका मन्त्रीहरू इजरायल–प्यालेष्टाइन द्वन्द्वको दुई-राज्य समाधानबारे छलफल गर्न मेड्रिडमा भेला भएका छन्।

‘सँगै हामीलाई यो उद्देश्यको दिशामा प्रगति गर्न सक्षम बनाउने ती ठोस कार्यको पहिचान गर्न चाहन्छौँ’, स्पेनका प्रधानमन्त्री पेड्रो सान्चेजले सामाजिक सञ्जाल एक्समा भने, ‘अन्तर्राष्ट्रिय समुदायले मध्यपूर्वमा न्यायपूर्ण र दिगो शान्तिको दिशामा निर्णायक कदम चाल्नुपर्छ।’

शीर्ष कूटनीतिज्ञ जोस म्यानुअल अल्बारेसले आयोजना गरेको मध्य मेड्रिडस्थित विदेश मन्त्रालयमा बैठक शुरु हुनुअघि सान्चेजले आफ्नो आधिकारिक निवासमा सहभागीलाई स्वागत गरे।

प्यालेष्टिनी प्रधानमन्त्री मोहम्मद मुस्तफा तथा इजिप्ट, जोर्डन, कतार, साउदी अरेबिया र टर्कीका विदेशमन्त्रीका साथै गाजाका लागि अरब-इस्लामिक सम्पर्क समूहका सबै सदस्य र अरब लिग तथा इस्लामिक सहयोग संगठनका प्रमुखको उपस्थिति थियो।

ईयूको प्रतिनिधित्व विदेश मामिला प्रमुख जोसेफ बोरेलका साथै स्पेनबाहेक आयरल्याण्ड, नर्वे र स्लोभेनियाका विदेशमन्त्रीले गरे।

‘प्यालेस्टिन राज्य र इजरायल राज्यको शान्तिपूर्ण र सुरक्षित सहअस्तित्वको माध्यमबाट यस क्षेत्रमा न्यायपूर्ण र दिगो शान्ति सुनिश्चित गर्ने एक मात्र तरिका दुई-राज्य समाधानको कार्यान्वयन गर्नु हो’, अल्बारेसले भने।

बैठकमा इजरायलको अनुपस्थितिका बारेमा सोधिएको प्रश्नमा उहाँले इजरायल युरोपेली समूहको पनि र अरब–इस्लामिक सम्पर्क समूहको पनि नभएकाले आमन्त्रण नगरिएको बताए। यद्यपि उनले इजरायल दुई–राज्य समाधानको छलफलमा सहभागी भएको खण्डमा आफू ‘खुशी’ हुने धारणा राखे।

द्वन्द्व शुरु भएदेखि नै स्पेनी प्रधानमन्त्री सान्चेज इजरायलको गाजा आक्रमणको युरोपमा कट्टर आलोचक हुन्। उनकै रेखदेखमा स्पेनले मे २८ मा आयरल्याण्ड र नर्वेसँगै औपचारिक रूपमा गाजा पट्टी र पश्चिम किनार मिलेर बनेको प्यालेष्टिनी राज्यलाई मान्यता दिएको थियो ।

उहाँले यसै महिनाको प्रारम्भमा ‘स्पेन र प्यालेष्टाइनबीच द्विपक्षीय शिखर सम्मेलन’ वर्षको अन्त्यभन्दा अघि आयोजना गरिने घोषणा गरेका थिए। उनले ‘दुई राज्यबीच धेरै सहयोग सम्झौता’ मा हस्ताक्षर हुने अपेक्षा गरे।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…