संसद्‌ खुलाउन सिंहदरबारमा सभामुखको छलफल

काठमाडौं : सभामुख देवराज घिमिरेले प्रतिनिधिसभाको अवरोध हटाउनका लागि राष्ट्रिय दलका प्रमुख सचेतकहरूसँग छलफल गरेका छन्। सिंहदरबारमा जारी छलफलमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र राष्ट्रिय प्रजातन्त्र पार्टीका प्रमुख सचेतकहरू सहभागी छन्।

जनयुद्धलाई हिंसा शब्दले अपमान गरिएको विरोधमा माओवादी केन्द्रले आज पनि सदन अवरोध गर्ने बताएपछि संसद् बैठक अघि सभामुखले दलका प्रमुख सचेतकहरूसँग छलफल गरेका हुन्।

यही भदौ १२ गतेको प्रतिनिधिसभा बैठकमा एमालेका सांसद योगेश भट्टराईले प्रयोग गरेको ‘हिंसा’ शब्दप्रति विमति जनाउँदै माओवादी केन्द्रका सांसदहरुले उक्त शब्द संसद्को अभिलेखबाट हटाउन माग गर्दै आएका छन्।

यद्यपि सभामुखले यही भदौ २६ गतेको बैठकमा हिंसा शब्द अभिलेखबाट नहटाउने बताएपछि माओवादी केन्द्र सरकारसँग क्रूद्ध बन्दै आएर सदन अवरोध गरेको हो।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…