आज माओवादीको खबरदारी सभा, प्रचण्डले नेतृत्व गर्ने

काठमाडौं : नेकपा माओवादी केन्द्रले आज काठमाडौँमा सरकारविरुद्ध खबरदारी सभा आयोजना गर्दै छ।

केपी शर्मा ओली सरकारको सय दिन पूर्णतः असफल रहेको निष्कर्ष निकाल्दै माओवादीले काठमाडौँमा खबरदारी सभा गर्न लागेको हो। आज बिहान ११ बजे काठमाडौँ मलमा जम्मा हुन नेता तथा कार्यकर्ताहरू पार्टीले निर्देशन दिएको छ। सबै जम्मा भएपछि बाजा, झाँकीसहित सुरु हुने जुलुस रत्नपार्क, बागबजार, प्रदर्शनी मार्ग हुँदै भृकुटीमण्डपमा आएर खबरदारी सभामा परिणत हुने छ।

खबरदारीसभामा उपत्यका भित्रबाट मात्र नेता कार्यकर्ता सहभागी हुनेछन्। सभामा करिब २५ देखि ३० हजारसम्म सहभागी हुने आकलन माओवादीको छ। सभाको नेतृत्व अध्यक्ष पुष्पकमल दाहाल प्रचण्डले गर्नेछन्।

नेपाली कांग्रेस र एमाले मिलेर असारमा सरकार बनाएपछि सत्ताबाट बाहिरिएको माओवादी छटपटिमा देखिन्छ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…