बालुवाटारको विवादमा शीतल निवास तानिदै, राष्ट्रपतिलाई भेटेर फर्किए प्रचण्ड

काठमाडौं । प्रधानमन्त्रीको कुर्सी राजनीतिसँग चर्किएको नेकपाको बहसमा शीतल निवासलाई सक्रिय पारिएको छ । प्रधानमन्त्री केपी शर्मा ओलीले राष्ट्रपतिसँग छलफल गरिरहेकै बेला नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले पनि छलफल गर्नु भएको छ ।

बालुवाटारमा स्थायी कमिटीको बैठक चलिरहेकै बेला सदस्यहरुलाई कुराएर शीतल निवास पुग्नु भएका पुग्नुभएका प्रचण्ड राष्ट्रपति विद्यादेवी भण्डारीलाई भेटेर बालुवाटार फर्किनु भएको छ ।शीतलन निवासमा राष्ट्रपति भण्डारी र अध्यक्ष प्रचण्डबीच झण्डै एक घण्टा कुराकानी भएको छ ।

प्रधानमन्त्रीले संसद अधिवेसन अन्त्य गरेर राष्ट्रपतिसँग भेटेपछिको सन्दर्भलाइ जोडेर भावी राजनीतिक र संवैधानिक घटनाक्रमका विषयमा छलफल भएको आकलन गरिएको छ । तर के विषयमा कुराकानी भयो खुलाइएको छैन । संसद् अधिवेशन अन्त्य गर्ने सरकारको हतारको निर्णयप्रति नेकपामा प्रचण्डसहितको खेमा असन्तुष्ट छ ।

त्यसअघि आजै प्रधानमन्त्री केपी शर्मा ओली पनि राष्ट्रपतिलाई भेट्न शीतल निवासमा पुग्नुभएको थियो ।

नेकपा भित्र विवाद् बढ्दै गएका बेला दुई अध्यक्ष छुट्टा- छुट्टै शीतल निवास पुग्नुलाई महत्वका साथ हेरिएको छ । प्रचण्ड राष्ट्रपतिलाई भेटेर फर्केपछि फेरि बालुवाटारमा स्थायी कमिटीको बैठक सुरु भएको छ । नेकपाको सचिवालय र स्थायी समितिमा रक्षात्मक बन्नुभएका अध्यक्ष एवं प्रधानमन्त्री ओली आफ्नो बचाउको रणनीतिमा लाग्नु भएको छ ।

अर्का अध्यक्ष प्रचण्ड वरिष्ठ नेता माधव नेपाल र झलनाथ खनालसहितको विरोधी खेमा ओलीलाई पार्टी अध्यक्ष र प्रधानमन्त्री दुवै पदबाट जसरी पनि हटाउने रणनीतिमा छ । दुइ खेमाको रणनीतिमा राष्ट्रपतिसँग श्रृखलाबद्ध छलफल भइरहेको छन ।

यसको अर्थ के हुनसक्छ सीआईएनको साढे ७ बजेको साझा खबरमा सुन्न सक्नुहुनेछ ।

थप सामाग्री

विजयनगरमा सामुदायिक सहयोगीको तीन दिने तालिम

भदौ १३, २०८३

कपिलवस्तुकाे विजयनगर गाउँपालिका-६, बद्धौरमा सामुदायिक सहयोगी सम्बन्धी तीन दिने तालिम दिएकाे छ । जीआइजेडको साझेदारी, विजयनगर गाउँपालिकाको समन्वय तथा सहकर्मी…