देउवाले उद्‌घाटन गरे कांग्रेस कोशी प्रदेशको सम्मेलन

काठमाडौं : नेपाली कांग्रेस कोशी प्रदेशको सम्मेलन सुरु भएको छ। सम्मेलनको सभापति शेरबहादुर देउवाले विराटनगरस्थित एक पार्टी प्यालेसमा शनिबार बिहान उद्घाटन गरेका हुन्।

सम्मेलनका लागि उपसभापति पूर्णबहादुर खड्का, महामन्त्रीहरू गगन थापालगायत नेता सहभागी छन्। सम्मेलनमा प्रदेश कार्यसमितिको वार्षिक कार्य प्रगतिको समीक्षाका साथै आगामी रणनीतिबारे छलफल गरी निर्णय गरिने कोशी प्रदेश कार्य समितिले जनाएको छ।

कोशीमा संघीयतापछि पहिलोपटक सम्मेलन हुन लागेको हो। संस्थापनइतर पक्षका नेता शेखर कोइरालाले भने आफ्नै प्रदेशको सम्मेलन बहिष्कार गरेका छन्। वरियतामा चित्त नबुझाएका कोइराला आज छुट्टै कार्यक्रमका लागि चितवन जाने कार्यक्रम छ।