दमका बिरामी मोहन वैद्यलाई आइसियुमा सारियो, अवस्था सुधारात्मक

काठमाडौं : अस्वस्थ भएर त्रिवि शिक्षण अस्पताल भर्ना भएका नेकपा क्रान्तिकारी माओवादीका नेता मोहन वैद्यलाई आइसियुमा सारिएको छ।

लामो समयदेखि श्वासप्रश्वाससम्बन्धी स्वास्थ्य समस्या झेल्दै आएका नेता वैद्यलाई श्वासप्रश्वासमा समस्या भएपछि दुई हप्ता अघिदेखि अस्पतालमा भर्ना गरेर उपचार गरिएको थियो। तर यही बीचमा स्वास्थ्य झन समस्या बढेपछि आइसियुमा राखेर उपचार थालिएको उनकै एकजना पारिवारिक सदस्यले बताए।

स्वास्थ्य थप बिग्रिएपछि शनिबार बिहान सुरेश वाग्ले क्यान्सर सेन्टर भवनमा रहेको नयाँ आइसियुमा सारिएको हो।

यसअघि उनलाई अस्पतालको एनेक्स टू क्याविनमा राखिएको थियो। ती पारिवारिक सदस्यले भने, ‘दमसम्बन्धी दीर्घ स्वास्थ्य समस्या पहिलेदेखि नै थियो, चिसो बढेसँगै यो समस्या झन् बढेपछि दुई हप्तादेखि अस्पताल भर्ना गरिएको थियो, बिचमा स्वास्थ्य अवस्था झन बिग्रिएको थियो तर अहिले अलि सुधार भए पनि चिकित्सकले आइसियुमा राखेर उपचार गर्नुपर्छ भनेर आइसियुमा राखेर उपचार भइरहेको छ तर स्वास्थ्य अवस्था भने सुधारोन्मुख छ।’

उपचारमा संलग्न चिकित्सकलाई उल्लेख गर्दै परिवारका ती सदस्यका अनुसार उनलाई हाल छातीमा संक्रमण र दमको समस्या छ। नेता वैद्य पहिलेदेखि नै श्वासप्रश्वाससम्बन्धी स्वास्थ्य समस्याबाट ग्रसित छन्। अघिल्ला वर्षहरुमा पनि उनको समस्या बल्झिँदा त्रिवि शिक्षण अस्पतालमा ल्याएर भर्ना गरी उपचार भएको थियो ।

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…