कृष्णनगरद्वारा बालगृहका बालबालिकालाई कपडा प्रदान

कृष्णनगर, २९ बैशाख ।

कपिलवस्तुकाे ताैलिहवामा रहेको बालगृहका बालबालिकालाई कपडा वितरण गरिएको छ । जिल्लाकाे कृष्णनगर नगरपालिकाले बालगृहका बालबालिकालाई कपडा वितरण गरेकाे हाे । नगरले १ लाख रुपैयाँ बराबरको लत्ताकपडा वितरण गरिएको जनाइएको छ । बालगृहमा हाल ३२ जना बालबालिका रहेका छन् ।

साेमबार नगर प्रमुख रजत प्रताप शाहले नगरपालिकाकाे सहयोगमा बालगृहका बालबालिकालाई कपडा उपलब्ध गराइएको बताए । बालगृहका बालबालिकाकाे आवश्यकतालाई मध्यनजर गर्दै सहयोग स्वरुप कपडा वितरण गरिएको उनलेे बताए । यसले समग्र समाजमा सकारात्मक भावनाकाे प्रवाहसँगै बालगृहलाई सहयोग गर्ने प्रेरणा दिने नगर प्रमुुख शाहकाे भनाइ छ ।

गास, बासकाे साथै कपासकाे आवश्यकता रहेको बताउँदै असहाय र अनाथ बालबालिकाकाे शिक्षा, स्वास्थ्य, तथा अधिकार सुनिश्चितताका लागि सबै सराेकारवालाकाे सहयोग जरुरी रहेकाे उनलेे बताए ।