प्रदेश सभामा विश्वासको मत सामना नगरी रोष्टमबाटै राजीनामाको घोषणा

काठमाडौं : मधेस प्रदेशका मुख्यमन्त्री सतिशकुमार सिंहले मधेस प्रदेश सभाको रोष्टमबाटै आफ्नो राजीनामाको घोषणा गरेका छन्।

मार्ग प्रशस्त गर्न भन्दै उनले राजीनामा घोषणा गरेका हुन्। रोष्टमबाटै आफनो पार्टी जनमत र पार्टी अध्यक्ष डा. चन्द्रकान्त राउतलाई सांकेतिक रुपमा विभिन्न आरोप समेत लगाए। मधेश प्रदेशका मुख्यमन्त्री सिंहले विश्वासको मत लिनुपर्ने समयसीमाको अन्तिम दिन मंगलवार प्रदेश सभामा विश्वासको मत सामना नगरी रोष्टमबाटै राजीनामाको घोषणा गरे।

आफ्नो अन्तिम वक्तव्यको अन्तिममा राजीनामाको घोषणा गरेपछि विश्वासको मत विभाजन गर्न नपर्ने भन्दै सभामुख रामचन्द्र मण्डलले अर्को सूचना जारी नहुन्जेल सम्मका लागि प्रदेश सभाको बैठक स्थगित भएको घोषणा गरे।

लिखित वक्तव्य पढेर सुनाउनुभएका मुख्यमन्त्री सिंहले राजीनामा मात्र दिएनन्। अध्यक्ष डा. राउत र उनी नेतृत्वको पार्टी जनमतलाई विभिन्न चेतावनी र चुनौती पनि दिए। आफू मुख्यमन्त्री बनेकै दिनदेखि जनमत पार्टी मधेसका संसदिय दलका नेता महेश यादव कांग्रेससँग मिलेर षड्यन्त्र शुरु गरेकोदेखि लोकतन्त्रमा जनता भगवान हुनुपर्नेमा कार्यकर्ताबाट आफैँलाई भगवान भन्न लगाएको भन्दै अध्यक्ष राउतको आलोचना गरे।

डा. राउतसँगै सोही क्षेत्रमा प्रदेश सांसदमा लडेर जितेकाका मुख्यमन्त्री सिंह डा. राउतको अगामी चुनावी प्रतिस्पर्धी र चुनौती बन्नसक्ने संकेत गरे। थाहा खबर