नेकपा एमालेको सचिवालय बैठक सुरु

काठमाडौं : नेकपा एमालेको सचिवालय बैठक सुरु भएकाे छ। अध्यक्ष केपी शर्मा ओलीको निवास गुण्डुमा बैठक सुरु भएकाे हाे।

बैठकमा महाधिवेशनसँग सम्बन्धित छलफल हुने पार्टीका मुख्यसचिव भिष्म अधिकारीले जानकारी दिए। उनका अनुसार मंसिर २७-२९ सम्म पोखरामा हुने ११औँ महाधिवेशनका लागि छनोटको विधि र संख्याबारे निर्णय हुनेछ।

यसपटक १२ सय बराबर तीन प्रतिनिधि छनोट गर्नेगरी सल्लाह भइरहेको छ। एमालेमा हाल ६ लाख ६३ हजार पार्टी सदस्य कायम छन्।

यस्तै महाधिवेशनका लागि विभिन्न समिति तथा उपसमिति गठन र जनपरिचालनबारे आवश्यक निर्णय गर्नेछ। महाधिवेशनसँगै एमाले प्रतिनिधिसभा पुनःस्थापनाका लागि जनपरिचालनको योजना ल्याउने रहेको बताइएको छ। थाहा खबर