आज दिउँसो २ बजे बोलाइएको बैठक शनिबारका लागि सारिएको जानकारी

काठमाडौं : नेपाली कांग्रेसको केन्द्रीय कार्यसमिति बैठक फेरि सरेको छ।

मुख्य सचिव कृष्णप्रसाद पौडेलले एक सूचनामार्फत आज दिउँसो २ बजे बोलाइएको बैठक शनिबारका लागि सारिएको जानकारी दिए। अर्को बैठक शनिबार दिउँसो एक बजे बस्नेछ। गत २८ असोजमा सुरू भएको बैठकमा गत कात्तिक २७ गतेसम्म नेताहरूले धारणा राख्ने क्रम सकिएको थियो।

त्यसपछि कात्तिक २९ गते र मंसिर १ गते बस्ने भनिएका बैठक स्थगित गरी आजका लागि सारिएको थियो। जारी बैठकले १५ औं महाधिवेशन र प्रतिनिधि सभा निर्वाचनका सन्दर्भमा निर्णय लिने अपेक्षा छ।

बैठकमा पार्टीको विशेष महाधिवेशन वा नियमित महाधिवेशन भन्नेमा बहस हुँदै आएको छ। विशेष महाधिवेशनका लागि हस्ताक्षर संकलन समेत भइसकेको अवस्थामा संस्थापनपक्षका नेताहरू भने चुनावपछि नै नियमित महाधिवेशन गर्नुपर्ने अडानमा छन्। थाहा खबर