शिक्षक महासंघले भन्यो- विगतको सरकारसँग भएका ९ बुँदे सहमति कार्यान्वयन गर्नुस्

नेपाल शिक्षक महासंघले केपी ओली नेतृत्वको सरकारसँग विगतमा भएको ९ बुँदे सहमति कार्यान्वयन गर्न शिक्षामन्त्रीसँग माग गरेको छ।

मंगलबार शिक्षामन्त्री महावीर पुनलाई भेटेर सरकारसँग विगतमा भएका सहमती कार्यान्वयसहितका विभिन्न माग गरिएको महासंघका अध्यक्ष लक्ष्मीकिशोर सुवेदीले जानकारी दिए।

‘हामीले शिक्षक सरुवा निर्देशिकाको खारेजी, गएको वैशाख १७ गते मन्त्रिपरिषद् बैठकले गरेका नौबुँदे निर्णयको कार्यान्वयन, स्थानीय भत्ताको उपलब्धता, शिक्षकहरूको रोकिएको तलब तुरुन्तै निकासा गर्नुपर्ने लगायका माग गरेका छौँ,’ अध्यक्ष सुवेदीले भने, ‘हाम्रा मागमा शिक्षामन्त्री पुनले म यस विषयमा सोधखोज गर्छु, बुझ्छु भन्नु भएको छ।’
सुवेदीले देशका केही पालिकाहरूले परिषद् गर्न नसक्दा शिक्षकहरूको तलब भक्ता रोकिएको विषयमा पनि मन्त्रीको ध्यानाकर्षण गराएको जानकारी दिए। वैखरी