विजयनगरमा विकासको अर्को उपलब्धी : ४ मोटरेबल पक्की पुल निर्माण सुनिश्चित

घनश्याम भर

विजयनगर, कपिलवस्तु ।

कपिलवस्तुकाे विजयनगर गाउँपालिका अध्यक्ष गाेपाल बहादुर थापाले नेपाल सरकारको आर्थिक वर्ष २०८३/८४ को बजेटमा गाउँपालिकाका विभिन्न स्थानमा ४ ओटा मोटरेबल पक्की पुल निर्माणका लागि बजेट विनियोजन भई सुनिश्चित भएको जानकारी दिए । उनलेे खुशी व्यक्त गर्दै यसका बजेट विनियोजनका लागि पहल, सहयोग र समन्वय गर्नेलाई धन्यवाद दिए ।

अध्यक्ष थापाका अनुसार आर्थिक वर्ष २०८३/८४ को बजेटमार्फत उज्ज्वलपुरदेखि भगिरामपुर गौरीघाटस्थित चिरई खोलामा, पत्थरदेइयादेखि परसोहिया जोड्ने भटनी घोलामा, देवीपुरको लोनिया टोलदेखि नौरङ्गियासम्मको विशवा घोलामा तथा नौरङ्गियादेखि अमृतडिहवा-चरङ्गहवा जोड्ने खोलामा मोटरेबल पक्की पुल निर्माणका लागि बजेट विनियोजन गरिएको छ ।

उनले यी पुल निर्माण भएपछि वर्षौंदेखि स्थानीयवासीले भोग्दै आएको आवागमनको समस्या समाधान हुने बताउँदै वर्षायाममा यातायात सेवा सहज बन्ने तथा शिक्षा, स्वास्थ्य, कृषि र व्यापारिक गतिविधिमा सकारात्मक प्रभाव पर्ने विश्वास व्यक्त गरे ।

अध्यक्ष थापाले पुल निर्माणका लागि बजेट सुनिश्चित गराउन सहयोग पुर्‍याउने संघीय सरकार, जनप्रतिनिधि तथा सरोकारवालालाई समयमै निर्माण सम्पन्न गर्न आवश्यक समन्वय र सहजीकरण गरिने बताए ।