शेयर बजार : नेप्से ९ दशमलव ४२ अङ्कले घट्याे, १ अर्ब ८१ करोडको कारोबार

काठमाण्डौ – शेयर बजारकाे काराेबार मापक नेप्से परिसूचक मङ्गलबार झण्डै साढे नाै अङ्कले घटेको छ । साेमबार सामान्य बढेको परिसूचक मङ्गलबार ९ दशमलव ४२ अङ्कले घटेर १५ सय ६८ दशमलव ५९ अङ्कमा पुगेकाे नेपाल स्टक एक्सचेन्ज लिमिटेडले जनाएको छ ।

मङ्गलबार व्यापार, उत्पादन र म्युचल फण्ड बाहेकका समूहको उपसूचक घटेकाे छ । सबैभन्दा धेरै निर्जीवन बीमा समूहको उपसूचक ४८७ दशमलव ४१ अङ्कले घटेको छ भने उत्पादनमूलक समूहको उपसूचक १० दशमलव ८४ अङ्कले सुधार भएको छ ।

मङ्गलबार एक अर्ब ८१ करोड ९६ लाख रुपैयाँ बराबरका ६७ लाख ८२ हजार कित्ता शेयर किनबेच भएका छन् । अरुण काबेली पावर लिमिटेडको मङ्गलबार सबैभन्दा धेरै ११ करोड २६ लाख रुपैयाँ बराबरका शेयर कारोबार भएको छ ।

परिसूचक घटे पनि ज्योति विकास बैंक लिमिटेडका शेयर लगानीकर्ताले ४ दशमलव ८३ प्रतिशत कमाएका छन् । पञ्चकन्या माई हाइड्रोपावर लिमिटेडका शेयर लगानीकर्ताले भने ८ दशमलव ७२ प्रतिशत गुमाएका छन् ।