विश्वभर ६ लाख कोरोना संक्रमित थपिए, यूरोपमा महामारी भयावह

काठमाडौं, विश्वभर एकै दिन ६ लाख भन्दा बढी कोरोना भाइरसको संक्रमित थपिएका छन् । विश्व स्वास्थ्य संगठनले बितेको २४ घन्टामा ६ लाख २८ हजार नयाँ संक्रमित थपिएको शुक्रबारको बुलेटिनबाट जानकारी दिएको हो । यो अहिलेसम्म एकै दिन बढी संक्रमित थपिएको किर्तिमान हो ।

पछिल्लो समयमा विश्वभर कोरोना भाइरसको संक्रमितको संख्या ५ करोड ३७ लाख नाघेको छ । जसमध्ये १३ लाख ९ हजार एक सय ४७ को निधन भइसकेको छ । संक्रमितमध्ये ३ लाख ७५ हजार नीको भएका छन् ।

अमेरिकामा एक करोड १० लाख संक्रमित संख्या पुगेको छ । भारतमा ८७ लाख, ब्राजिलमा ५८ लाख संक्रमित संख्या नाघेको छ ।

युरोपेली मुलुकहरुमा संक्रमित संख्या धमाधम बढ्न थालेको छ । फ्रान्समा १९ लाख, रुसमा १८ लाख, स्पेनमा १४ लाख, बेलायतमा १३ लाख संक्रमित संख्या नाघेको छ ।