इटलीको नापोलीले आफ्नो रंगशालालाई म्याराडोना नामाकरण गर्ने

काठमाण्डाै – इटलीको नापोलीले आफ्नो रंगशालालाई स्वर्गीय खेलाडी डिएगो म्याराडोनाको नामबाट नामाकरण गर्ने भएको छ । अर्जेन्टीनाका पूर्व मिडफिल्डर तथा प्रशिक्षक म्याराडोनाको ६० वर्षको उमेरमा हृदयघातबाट निधन भएको थियो ।

म्याराडोनाले नापोलीलाई सन् १९८७ र १९९० मा सिरी ‘ए’ उपाधि दिलाउन महत्त्वपूर्ण भूमिका खेलेका थिए । नापोलीको सिटी काउन्सिलको बैठकले स्टुडियो सान पाउलोलाई डिएगो अर्मान्डो म्याराडोना नामबाट सम्बोधन गर्न स्वीकृति दिएको छ ।

सन् १९८४ मा बार्सिलोनाबाट नापोली पुगेका म्याराडोनाले त्यहाँ ७ वर्ष बिताएका थिए । सिरी ‘ए’ बाहेक उनले क्लबलाई सन् १९८७ मा कोपा इटालिया र सन् १९८९ मा यूईएफए कप र इटालियन कपको उपाधि पनि दिलाएका थिए ।