पाकिस्तानको एक अस्पतालमा अक्सिजनको अभावमा ६ जना बिरामीको ज्यान गयो

काठमाण्डाै – पाकिस्तानमा अक्सिजनको अभाव हुँदा ६ जना बिरामीको ज्यान गएको छ ।

ज्यान गुमाउने ६ जनामध्ये ५ जना कोरोना भाइरस सङ्क्रमित भएका बीबीसीले जनाएको छ । पेशावरमा रहेको खैबर टिचिङ अस्पतालमा अक्सिजन आपूर्तिमा ढिलाइ हुँदा बिरामीको ज्यान गएको हो । बेलेमै अक्सिजन पुर्याउन पटक-पटक आग्रह गरे पनि सुनुवाइ नहुँदा बिरामीको ज्यान गएको आफन्तले आरोप लगाएका छन् ।

अस्पताल प्रशासनले भने अक्सिजन आपूर्ति गर्ने सप्लाई कम्पनीको ढिलाइका कारण बिरामीको ज्यान गएको प्रतिक्रिया दिएको छ । अक्सिजनको अभाव भएपछि बिरामीका आफन्तलाई आफैँ अक्सिजनको सिलिन्डर व्यवस्था गर्न भने पनि केहीले मात्रै व्यवस्था गर्न सकेका अस्पतालका कर्मचारीले बताएका छन् ।

पाकिस्तानमा अहिलेसम्म चार लाखभन्दा धेरै मानिसलाई कोरोना भाइरसको सङ्क्रमण भएको छ भने कोरोनाका कारण ८ हजार जनाको ज्यान गएको छ ।

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…