सामाजिक सुरक्षालाई व्यवस्थित गर्दैछौ: नगर प्रमुख कलाम

कपिलवस्तु –
कपिलवस्तुको महाराजगंज नगरपालिका नगर प्रमुख अब्दुल कलामले सामाजिक सुरक्षा तथा व्यक्तीगत घटना दर्ता व्यवस्थित गर्दै लगेको बताउनु भएको छ । नगर प्रमुख कलामले सामाजिक सुरक्षा भत्ताबाट नगरका कोही पनि बन्चीत हुन नदिका लागि अनलाइन घटना दर्ता तथा बैंकबाट भुक्तानी प्रक्रीया अघी बढाएको बताउनु भयो ।

सामाजिक सुरक्षा तथा व्यक्तीगत घटना दर्ता प्रणाली सुद्धीकरण आयोजना सम्बन्धी २ दिने तालिमलाई सम्बोधन गर्दै नगर प्रमुख कलामले समाजिक सुरक्षा वितरण प्रणाली सहज गर्नु पर्ने बताउनु भएको छ ।

त्यस्तै उक्त कार्यक्रममा महाराजगंज नगरपालिको उप प्रमुख शुभावती कुर्मीले सामाजिक सुरक्षा समयमा वितरण भैरहेको जानकारी दिनुभयो । उहाँले सबै जनप्रतिनिधीले सामाजिक सुरक्षा तथा व्यक्तीगत घटना दर्तालाई सहज बनाउनु पर्नेमय जोड दिनु भयो ।

महाराजगंज नगरपालिकाले वडा नं ४ बरईपुर र वडा नं ७ कुशाहवाको समाजिक बैंकबाट भुक्तान हुने व्यवस्थापन गरिएको महाराजगंज नगरपालिकाका एमआईएस अपरेटर बृजेश यादवले जानकारी दिनुभयो । तालिममा सबै वडाका वडा अध्यक्ष र कार्यपालिका सदस्यहरुको सहभागीता रहेको थियो । मंगलबार देखी सुरु भएको तयमि आज समापन भएको छ ।