काठमाण्डौको रानीबारी क्षेत्रमा आज बत्ती जाने

काठमाण्डाै – काठमाण्डाैको रानीबारी क्षेत्रमा आज बत्ती जाने भएको छ ।

महाराजगञ्ज वितरण केन्द्रको धापासी फिडरअन्तर्गत रानीबारी क्षेत्रमा हाइटेन्सन लाइनको मर्मतको काम गर्नुपर्ने भएकाले आज बिहान ३ घण्टाका लागि लाइन काट्न लागिएको नेपाल विद्युत प्राधिकरणले जनाएको छ । प्राधिकरणकाअनुसार बिहान ७ देखि १० बजेसम्म रानीबारी क्षेत्रमा बत्ती काटिनेछ ।

निर्धारित समयभन्दा अगाडि नै काम सकिएमा त्यसअघि नै लाइन जोडिने पनि प्राधिकरणले जनाएको । प्राधिकरणले हिजो महाराजगञ्ज वितरण केन्द्रको सामाखुसी फिडरमा पर्ने क्षेत्रको ट्रान्सफर्मर मर्मत गरेको थियो । त्यस फिडरअन्तर्गत पर्ने गोङ्गबु, सामाखुसी, बानियाँटार, भण्डारी टोललगायत क्षेत्रमा हिजो बत्ती गएको थियो ।