माओवादी केन्द्रकाे प्रदेश-२ को संसदीय दलका नेतामा भरतप्रसाद साह चयन

महोत्तरी – नेकपा माओवादी केन्द्रले प्रदेश-२ को संसदीय दलका नेतामा भरतप्रसाद साहलाई चयन गरिएको छ । यसअघि संसदीय दलको नेतामा रहेका सत्यनारायण मण्डल एमालेमा प्रवेश गरेपछि त्यस पदको जिम्मेवारी महोत्तरीबाट निर्वाचित प्रदेशसभा सदस्य साहलाई दिइएको हो ।

त्यस्तै पार्टीको उपनेतामा जगत यादव र प्रमुख सचेतकमा दिलिप यादव र सचेतकमा रुबिकर्ण चुनिएका माओवादी केन्द्रले जनाएको छ । त्यसैगरी माओवादी केन्द्रबाट एमालेमा प्रवेश गरेका चार नेतालाई २४ घण्टाभित्र स्पष्टीकरण सोध्ने निर्णय गरिएको दलका नेता साहले जानकारी दिनुभयाे ।

काठमाण्डौमा रहेकाे पार्टी कार्यालयमा शुक्रवार बसेको बैठकले २४ घण्टाभित्रमा जवाफ र पार्टीभित्र नफर्किए पार्टीबाट निस्कासन गरिने निर्णय गरेको छ । संसदीय दलको नेताबाट हटाइएका सत्यनारायण मण्डल, कुन्दन साह, ज्वाला साह र मो. समिर अन्सारी माओवादी केन्द्र छाडेर एमालेमा गएका हुन् ।

प्रदेश २ मा माओवादी केन्द्रका ११ जना सांसद रहेका छन् ।

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…