गाउँपालिका अध्यक्षका छाेराले चलाएकाे जीप दुर्घटना, लाइसेन्स पनि थिएन

दाङ – दाङको बङ्गलाचुली गाउँपालिकाको जीप दुर्घटनामा परेको छ । घोराही-प्युठान सडक खण्डअन्तर्गत घोराही उपमहानगरपालिका ४ पालुथानमा गाउँपालिकाको लु १ झ ६१६ नम्बरकाे जीप दुर्घटना भएको जिल्ला ट्राफिक प्रहरी कार्यालय दाङले जानकारी दिएको छ ।

गाउँपालिकाका अध्यक्ष भक्तबहादुर वलीका छोरा प्रकाशले गाडी चलाएको र उनको सवारी चालक अनुमतिपत्र समेत नभएको प्रहरीले जनाएको छ ।

गाउँपालिकाबाट घोराहीतर्फ आउने क्रममा गाडी दुर्घटनामा परेको हाे । गाडीमा रहेका चार जना नै सकुशल रहेकाे प्रहरीले जनाएकाे छ ।

जीप सडकदेखि पाँच मिटर तल खसेर रुखमा अड्किएको छ । गाडी तीव्र गतिमा रहेका कारण अनियन्त्रित भएर पल्टिएको जिल्ला ट्राफिक प्रहरी कार्यालय दाङले जनाएको छ ।

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…