एमाले बैठकमा के के भयो

काठमाडौं, २५ साउन । नेकपा एमालेको स्थायी कमिटी बैठकले पार्टीको विधान संशोधनसम्बन्धी प्रस्ताव पारित गरेको छ । संशोधन प्रस्ताव केन्द्रीय कमिटी बैठकमा निर्णयार्थ प्रस्तुत हुने भएको छ ।
विधान महाधिवेशन २७ र २८ भाद्रमा बोलाउने गरी तोकिएको छ । त्यसका लागि पनि विधान संशोधनका लागि प्रस्ताव लगिएको छ ।

राजनीतिक र सांगठनिक प्रतिवेदन पेश भएर छलफल गरी एउटै रुप दिइएको र केन्द्रीय कमिटीमा निर्णयार्थ प्रस्तुत गरिने छ । एमाले विधानमा ७० वर्षको उमेर हदको विषय पनि छ । त्यसलाई पनि संशोधन गर्ने तयारी भइरहेको छ । एक व्यक्ति दुई कार्यकालभन्दा बढी नेतृत्वमा रहन नपाउने लगायत विषय पनि छन् ।

यसैगरी, आजको बैठकमा पनि उपाध्यक्ष वामदेव गौतम सहभागी भए । उनी पछिल्लो समय वरिष्ठ नेता माधवकुमार नेपालसँग नजिक छन् । नेपाल भने सहभागी भएनन् । उनी पक्षधर स्थायी कमिटी सदस्य पनि बैठकमा अनुपस्थित भएका थिए ।-फाइल तस्बिर