त्रिनेत्र आधारभूत विद्यालयको अध्यक्षमा विजय कुमार कुर्मी निर्विरोध चयन

विजयनगर ।
कपिलवस्तुको विजयनगर गाउँपालिकाको वडा नं. ७ मधुनगर (सोनवर्षा) मा रहेको त्रिनेत्र आधारभूत विद्यालयको व्यवस्थापन समितिको अध्यक्षमा विजय कुमार कुर्मी निर्विरोध चयन हुनु भएको छ । आइतवार बसेको बैठकले ९ जना सदस्यसहितको विद्यालय व्यवस्थापन समितिले पूर्णता पाएको हो ।

गत साउन २७ गते अभिभावक भेलाबाट सर्वसम्मतिबाट ४ जना छनोट भएका थिए । जसमा पुरुष सदस्यमा, विजय कुमार कर्मी, लक्षमण कहाँर, महिला सदस्यमा जोखना कोहाँर, दुर्गवती कोरी चयन भएका थिए । आजको बैठकले पुरुषतर्फ जनकराम पासी र महिलातर्फ किशमति अहिरलाई मनोनितमा छनोट गरी विद्यालय व्यवस्थापन समिति गठन गरेको हो ।

शिक्षक प्रतिनिधिबाट बेद प्रकाश चौधरी, सदस्य सचिवमा प्रधानाध्यापक प्रमिला चौधरी, पदेन सदस्य वडाध्यक्ष दिनेश कुमार चौधरी गरी ९ जनाको विद्यालय व्यवस्थापन समिति गठन भएको छ ।

यस्तै ११ जनाको अभिभावक संघ पनि गठन गरिएको छ । जसको संयोजकमा लल्लु धोबी चयन हुनुभएको छ ।