शिवराजमा एमाले रित्तिदै, समाजवादीले सबै वडा कमिटी विस्तार गर्दै

एमालेको गढ भनेर चिनिने शिवराज नगरपालिकामा एकाएक कमजोर हुने देखिएको छ । काग्रेस माओवादी जसपाले पहिला देखि नै निरन्तर गढ भत्काउन लागि परेको र पछिल्लो समय एकिकृत समाजवादी आए पश्चात एमालेमा पहिरो नै गएको छ । नगरका प्रभावशालि नेताहरु समाजवादी तर्फ लागेपछि एमाले कमजोर बन्ने निश्चित जस्तो भएको छ । दुई दिन अघि मात्र शिवराज नगरपालिका वडा ५ मा ५५ सदस्य वडा कमिटि विस्तार भएसगै एमालेलाई थप जटिल बनेको हो । पूर्व एमालेका प्रभावशालि नेताहरु क्षेत्र बहादुर खत्री,जिवलाल पौडेल, मिना परियार लगाएतका नेताहरु अहिले समाजवादीलाई बलियो बनाउन कसरत गरिरहेको छन् । अहिले सम्म शिवराज नगरपालिका वडा १,३,४,५,६,७,८ नम्बर वडामा कमिटि विस्तार भइसकेको नगर अध्यक्ष सरोज पौडेलले बताउनुभयो ।
विहिवार नगरपालिका वडा नं. ६ मा नेकपा (एकीकृत समाजवादी)ले सुरज कुमार शुक्लाको अध्यक्षतामा वडा कमिटी गठन गरेको छ शुक्लाको अध्यक्षतामा गठन भएको २५ सदस्यिय वडा कमिटीको उपाध्यक्षमा संगीता पासी, सचिवमा राजेश पासी, उप–सचिवमा शान्ति थारु रहनुभएको पार्टीका नगर अध्यक्ष पौडेलले जानकारी दिनुभयो ।
उक्त अवसरमा राम बहादुर चौधरीसहित २० जना विभिन्न पार्टी परित्याग गरी नेकपा (एस)मा प्रवेश गरेका छन् । नव प्रवेशीलाई पार्टीका केन्द्रीय सदस्य तथा जिल्ला इन्चार्ज क्षेत्र बहादुर खत्रीले अविर र माला लगाइ पार्टी प्रवेश गराउनुभएको थियो ।
वडा भेलामा बोल्दै केन्द्रीय सदस्य क्षेत्रीले बैज्ञानिक समाजवादको यात्रा तय गर्न सबै आ–आफ्नो ठाउँबाट लाग्नुपर्नेमा जोड दिनुभयो । कम्युनिष्ट पार्टी भित्र दक्षिणपन्थी, अवसरवाद मौलाएको भन्दै त्यसलाई चिर्न नेकपा (एस) पुर्नगठन गर्नुपरेको बताउनुभयो ।
पार्टी केन्द्रीय सदस्य तथा जिल्ला सह इन्चार्ज मीना परियारले मधेसी जनताको मुक्तिको लागि नेकपा (एस) ले निर्णायक भूमिका खेल्ने विश्वास व्यक्त गर्नुभयो । बर्षौसम्म थिचोमिचोमा पारिएका समुदायको लागि आफ्नो पार्टीले माथि उठाउने काम गर्ने भन्दै कलम चुनाव चिह्न मार्फत गाउँ गाउँमा पार्टी निर्माणको विकल्प नभएको बताउनुभयो ।
नगर कमिटी अध्यक्ष सरोज पौडेको अध्यक्षतामा भएको भेलामा लुम्बिनी प्रदेश कमिटी सदस्य जिवलाल पौडेल, जिल्ला पार्टी उप सचिव ओमप्रकाश कुर्मी, जिल्ला सदस्य लिलामणी आचार्य लगायतको उपस्थिति रहेको थियो

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…