विजयनगरमा ३ माेटरसाइकल एक आपसमा ठाेक्किए, १ जनाकाे मृत्युु, २ गम्भीर घाइते ( विस्तृत विवरण सहित)

शिवराज अनलाइन, विजयनगर ।
कपिलवस्तुकाे विजयनगर गाउँपालिकामा ३ वटा माेटरसाइकल एक आपसमा ठाेकिँदा १ जनाकाे मृत्युु भएकाे छ भने २ जना गम्भीर घाइते भएका छन् ।
विजयनगरकाे वडा नम्बर ६ फरेनी चोकमा उत्तरबाट दक्षिणतर्फ जाने क्रममा मोटरसाइकल दुर्घटनामा परी वडा नं. ६ खजहनी डिहवा निवासी २५ वर्षीय बंशीलाल चाैहानकाे घटना स्थलमै मुत्यु भएकाे प्रहरीले जनाएकाे छ ।

गम्भीर घाइते भएका दुबै जनाकाे संजीवनी सामुदायिक अस्पताल चन्द्रौटामा उपचार भइरहेको इलाका प्रहरी कार्यालय गणेशपुरका प्रहरी निरीक्षक रण बहादुर विष्टले जानकारी दिनुभयो । घाइते हुनेमा शिवराज नगरपालिका – २ खैरी निवासी सुनिल हरिजन र शिवपुजन यादव रहेकाे उहाँले बताउनुभयो ।

लु १३ प ३०९८, लु ३४ प ७०५४ र लु ४१ प ४५५८ नम्बरको मोटरसाइकल एक आपसमा ठाेकिएर दुर्घटना भएकाेे उहाँले बताउनुभयो । शवलाई पोस्टमार्टमको लागि जिल्ला अस्पताल तौलिहवा पठाइएको र घटनाबारे थप अनुसन्धान भइरहेकोे प्रहरी निरीक्षक बिष्टले जानकारी दिनु भएको छ ।