प्रहरीले हराएको मोटरसाइकल धनीलाई जिम्मा लगायाे

शिवराज अनलाइन, चन्द्राैटा ।

इलाका प्रहरी कार्यालय कृष्णनगरले हराएकाे माेटरसाइकल निजी सवारी धनीलाई बुझाएको छ। जिल्लाकाे कृष्णनगर नगरपालिका वडा नं. २ झण्डीनगर बस्ने उतर बहादुर जयसवाललाई शुक्रबार प्रहरीले माेटरसाइकल बुझाएको जनाएको छ ।

प्रहरीले जयसवालकाे नामममा दर्ता रहेको माेटरसाइकल युपी ५५ भी ०६७१ भारतीय नम्बरकाे शाइन एसपी कम्पनीको रहेकाे इलाका प्रहरी कार्यालय कृष्णनगरका प्रहरी निरीक्षक सुकदेव पाैडेलले जानकारी दिनुभयो । गत २७ गते आफ्नै घर अगाडी पार्किङ गरि राखेको अवस्थामा चोरी भएको थियो ।

मोटरसाइकललाई खोज-तलाश गर्दा कृष्णनगर नगरपालिका वडा नं. १ मडहा र ऐ. वडा नं. १० साैनहवाको सिमावर्ति क्षेत्रमा रहेको आँपको बगैचामा रुखमुनी वेवारिसे अवस्थामा फेला पारी मोटरसाइकल धनी उतर बहादुर जयसवाललाई प्रहरीले जिम्मा लगाएकाे प्रहरी निरीक्षक पाैडेलले बताउनुभयाे ।