सिरियाली जेल आक्रमणमा १८ सुरक्षाकर्मी मारिए

एजेन्सी-सिरियाको जेलमा भएको आक्रमणमा जेलका सुरक्षा गार्डसहित १८ जना कुर्दिस सुरक्षा अधिकारीको मृत्यु भएको छ।

उक्त सिरियाली सुधारगृहमा हजारौं संदिग्ध लडाकु राखिएको र त्यहाँ इस्लामिक स्टेटले गरेको आक्रमणमा कम्तिमा १८ जना कुर्दिश सुरक्षाकर्मी मारिएको एक युद्ध अनुगमनकारी संस्थाले शुक्रबार जनाएको छ।

सन् २०१९ मा आइएस पराजित भएपछि यस्तो सबैभन्दा ठूलो आक्रमण भएको बेलायतस्थित सिरियाली मानव अधिकारवादी संस्था, ‘सिरियन अब्जरभेटरी फर ह्युमन राइट्स’ले जनाएको छ।

एक प्रत्यक्षदर्शी स्थानीयले सामाजिक सञ्जालमार्फत् दिएको जानकारीअनुसार घटनामा विद्रोही समूहका समेत दर्जनौं मारिएका छन्।

तर अब्जरभेटरीले कुर्दिश आन्तरिक सुरक्षा बल र जेलका सुरक्षाकर्मीसहित मारिनेको संख्या १८ पुगेको पुष्टि गरेको हो।