कांग्रेसले स्थानीय निर्वाचन अभियान सञ्चालन गर्ने, भातृ संस्थाकाे कार्यकाल नथप्ने

काठमाडाैं : सत्तारुढ नेपाली कांग्रेसले स्थानीय तह निर्वाचन अभियान सञ्चालन गर्ने निर्णय गरेको छ। आगामी वैशाख ३० गते निर्वाचन गर्ने सरकारी निर्णयको स्वागत गर्दै कांग्रेसले स्थानीय तह निर्वाचन अभियान सञ्चालन गर्ने घोषणा गरेको हो।  मंगलबार बसेको केन्द्रीय कार्यसम्पादन समिति बैठकले स्थानीय तहको निर्वाचन अभियानमा ‘घर–घर जाऊ कांग्रेस जिताउ’ नारा तय गरेको कांग्रेस प्रवक्ता डा प्रकाशशरण महतले जानकारी दिए।

फागुन २० गतेदेखि चैत ३० गतेसम्म निर्वाचन अभियान चलाइने पनि महतले बताए। पार्टीको निर्वाचन घोषणापत्र सभापतिले परामर्श गरी सार्वजनिक गर्ने पनि महतले जानकारी दिए। यस्तै बैठकले कार्यकाल सकिएका सबै भातृ संगठनको समय नथप्ने निर्णय गरेको छ।

कार्यकाल सकिएका नेपाल तरूण दल, नेविसंघ लगायतका १० भातृ संस्थाको कार्यकाल नथप्ने निर्णय गरेको प्रवक्ता महतले जानकारी दिए। फागुन मसान्तभित्र भातृ संस्थाहरूको तदर्थ समिति गठन गरिने बैठकले निर्णय गरेकाे छ।

नेपाल मगर संघ र नेपाल मुस्लिम संघबाहेक अन्य भातृ संस्थाको कार्यकाल सकिएको छ। नेपाल दलित संघको चैत ७, ८ र ९ गते अधिवेशन हुँदैछ।

थप सामाग्री

बेपत्ताहरूको संख्या यकिन गर्न अझै मुस्किल छ : प्राधिकरण

रसुवागढी जलविद्युत् आयोजनाको सुरुङमा मान्छे फसेको भेटिएन, धुन्चे फर्कियो सेनाको टोली

जनप्रतिनिधिकाे रास्वपा सदस्यतामाथि प्रश्न ! ‘सक्कली-नक्कली’ विवाददेखि गोपनीयता भंगसम्म

थप सामाग्री
भोटेकोशी बाढीका कारण मृत्यु पुष्टि हुनेको संख्या ७ सय ८८ पुग्यो
भदौ १४, २०८३

काठमाडौँ : भोटेकोशी बाढीका कारण मृत्यु पुष्टि हुनेको संख्या ७८८ पुगेको छ । नेपाल प्रहरीका अनुसार आइतबार दिउँसो ३ बजेसम्म…

रसुवा बाढी : सेनाद्वारा ४०९ जनाको हवाई उद्धार, त्रिशूली–३ को टनेलमा उद्धार कार्य जारी
भदौ १४, २०८३
खरेन्द्रपुरमा रक्तदान, १ सय ४५ पिन्ट रगत संकलन
भदौ १४, २०८३
विजयनगरमा सामुदायिक सहयोगीको तीन दिने तालिम
भदौ १३, २०८३

Recent Posts

TOP