अमेरिकामा कोरोनाबाट एकै दिन १९ सयको मृत्यु

न्यूयोर्क, चैत २८ । अमेरिकामा कोरोना भाइरसबाट मृत्यु हुनेको संख्या १६ हजार ५ सय १३ पुगेको छ।जोन्स हप्किन्स युनिभर्सिटीको तथ्यांक अनुसार अमेरिकामा बिहीबार एक हजार नौ सय भन्दा धेरै मानिसको मृत्यु भएको छ।

यससँगै अमेरिका विश्वभर यो भाइरसको कारण धेरै मानिसको मृत्यु हुने मुलुकको सूचीमा दोस्रो स्थानमा उक्लिएको छ। अहिलेसम्म इटालीमा सबैभन्दा धेरै मानिसको मृत्यु भएको छ। इटालीमा मृत्यु हुनेको संख्या १८ हजार दुई सय ७९ पुगिसकेको छ।

अमेरिकामा संक्रमितको संख्या पनि चार लाख ६२ हजार नाघेको छ। अमेरिकामा बिहीबार मात्र ३० हजारभन्दा धेरै नयाँ संक्रमित भेटिएका छन्। अहिलेसम्म अमेरिकामा २५ हजार चार सयभन्दा धेरै संक्रमित निको भएका छन्।