दुई मोटरसाइकल ठोकिँदा एकको ज्यान गयो, दुई बालबालिकाको अवस्था नाजुक

कपिलवस्तु ।
कपिलवस्तुको कृष्णनगर नगरपालिका – १० सौनहवामा दुई मोटरसाइकल एक आपसमा ठोकिँदा १ जनाको ज्यान गएको छ । कृष्णनगरदेखि गणेशपुर जाँदै गरेको लु ७५ प ४१० नम्बर स्पलेण्डर र विपरीत दिशाबाट आउँदै गरेको लु ८ प १५०२ सुपर एक आपसमा ठोकिँदा राजेश चौरसियाको ज्यान गएको हो ।

मृतक चौरसिया सवार मोटरसाइकलमा दुई जना बालबालिकाको अवस्था नाजुक भएका कारण उनीहरूलाई थप उपचारको लागि भैरहवा मेडिकल कलेजमा रिफर गरिएको अस्पताल प्रशासनले जनाएको छ ।

मृतक राजेश चौरसियाको शव पोस्टमार्टमका लागि शिवराज अस्पताल बहादुरगञ्जमा पठाइएको छ । अर्काे मोटरसाइल चालक राम दयाल पाललाई प्रहरीले हिरासतमा लिएको जनाइएको छ ।

घटनाबारे थप अनुसन्धान भई रहेको ईलाका प्रहरी कार्यालय बहादुञ्ंजका वरिष्ठ प्रहरी नायब निरीक्षक दिपेन्द्र गिरीले जानकारी दिनुभयो ।