नापी कार्यालय चावहिलका सर्भेक्षक र अमिनविरुद्ध भ्रष्टाचार मुद्धा

काठमाडौं : अख्तियार दुरुपयोग अनुसन्धान आयोगले नापी कार्यालय चावहिल १ नम्बर टोली बुढानिलकण्ठमा कार्यरत सर्भेक्षक विनोद केसी र प्रकाशराज भट्ट विरुद्ध भ्रष्टाचारको मुद्धा दायर गरेको छ।

उनीहरु विरुद्ध अख्तियारले सोमबार विशेष अदालत काठमाडौंमा भ्रष्टाचार निवारण ऐन, २०५९ अनुसार आरोपपत्र दायर गरेको प्रवक्ता श्याम प्रसाद भण्डारीले जानकारी दिए।

उनका अनुसार दुवैजनामाथि १ लाख रुपैँया बिगो कायम गरी जरिवाना तथा कैद सजायकाे माग दाबी लिएको छ।

अख्तियारको टोलीले गत चैत २२ गते उनीहरुलाई जग्गाको हालसाविक गर्ने क्रममा सेवाग्राहीसँग १ लाख रुपैँया घुस लिएको अवस्थामा नियन्त्रणमा लिएको थियो। अनुसन्धानको क्रममा घुस लिएको पुष्टि भएपछि सोमबार उनीहरुविरुद्ध आरोपपत्र दायर गरिएको हो।