दिउँसो देशका पहाडी भूभागमा र अन्य केही स्थानमा मेघगर्जन चट्याङसहित हल्कादेखि मध्यम वर्षाको सम्भावना

काठमाडौं : शुक्रबार देशको केही स्थानमा हल्कादेखि मध्यम वर्षाको सम्भावना छ। जल तथा मौसम विज्ञान विभागको मौसम पूर्वानुमान महाशाखाकाअनुसार दिउँसो देशका पहाडी भूभागमा र अन्य केही स्थानमा मेघगर्जन चट्याङसहित हल्कादेखि मध्यम वर्षाको सम्भावना छ।

प्रदेश १, मधेश र बागमतीका थोरै भू–भागमा र बाँकी प्रदेशका एक–दुई स्थानमा शुक्रबार राति पनि हल्कादेखि मध्यम वर्षाको सम्भावना रहेको विभागले जनाएको छ।

यसैगरी देशको पहाडी भू–भागमा आंशिकदेखि सामान्यता बदली रही बाँकी भू–भागमा आंशिकदेखि मौसम सामान्यता सफा रहने विभागले बताएको छ।