सुरक्षा निकायका प्रमुखहरुबीच जङ्गी अड्डामा भेट, निर्वाचन केन्द्रित छलफल

काठमाडौं : आसन्न प्रतिनिधिसभा तथा प्रदेशसभा निर्वाचन २०७९ सफलतापूर्वक सम्पन्न गर्ने सम्बन्धमा जङ्गी अड्डामा छलफल भएको छ।

प्रधान सेनापति प्रभुराम शर्मा, नेपाल प्रहरीका प्रहरी महानिरीक्षक धीरज प्रताप सिंह, सशस्त्र प्रहरी बल नेपालका महानिरीक्षक राजु अर्याल तथा राष्ट्रिय अनुसन्धान विभागका मुख्य अनुसन्धान निर्देशक हुतराज थापाबीच भेटघाट तथा छलफल भएको हो।

नेपाली सेनाका उच्च तहका अधिकृतहरुसमेतको सहभागिता रहेको उक्त छलफलमा समसामयिक समग्र सुरक्षा अवस्थाको समीक्षा गर्दै आसन्न प्रतिनिधिसभा तथा प्रदेशसभाको निर्वाचनलाई शान्तिपूर्ण ढंगले सफलतापूर्वक सम्पन्न गर्न आवश्यक सुरक्षा व्यवस्थाको बारेमा छलफल एवं अन्तरक्रिया गरिएको हो।

छलफलमा सबै सुरक्षा निकायका प्रमुखहरुबीच प्रतिनिधिसभा तथा प्रदेश सभा निर्वाचन २०७९ स्वतन्त्र, निष्पक्ष, विश्वसनीय एवं भयरहित वातावरणमा सम्पन्न गर्न नेपाल सरकारबाट सुरक्षा निकायहरूलाई प्राप्त जिम्मेवारीहरू केन्द्रीय, प्रादेशिक र स्थानीय तीन तहमा आपसी समन्वय र सहकार्यका साथ प्रभावकारी रुपमा कार्यान्वयन गर्ने लगायतका विषयहरुमा छलफल भएको जङ्गी अड्डाले जनाएको छ।

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…