कोरोना अपडेट : ७० जना निको हुँदा ४५ जनामा संक्रमण

काठमाडौं : बिहीबार देशभर ४५ जना कोरोना संक्रमित भेटिएका छन्। स्वास्थ्य तथा जनसंख्या मन्त्रालयको विवरणअनुसार २ हजार ६७८ जनामा गरिएको परीक्षणमा ४५ जना संक्रमित भेटिएका हुन्।

यही अवधिमा ७० जना संक्रमणमुक्त भएका छन्। हाल देशभर १ हजार ७७ जना सक्रिय संक्रमित रहेका छन्। सक्रिय संक्रमितमध्ये ९ जना आइसियूमा‚ ३६ जना संस्थागत आइसोलेशनमा र १ हजार ४१ जना होम आइसोलेशनमा रहेका छन्।

काठमाडौं उपत्यकामा पनि पछिल्लो समय कोरोना संक्रमितको संख्या घट्दै गएको छ। काठमाडौंमा ४३३ जना ललितपुरमा १४१ जना र भक्तपुरमा २१ जना सक्रिय संक्रमित रहेका छन्।