नेपालमा थप ९ जनामा कोरोना सङ्क्रमण , सङ्क्रमितको सङ्ख्या २ सय ५८ पुग्यो

काठमाडौं । नेपालमा थप ९ जनामा कोरोनाभइरस सङ्क्रमण पुष्टि भएको छ। यो सँगै नेपालमा हालसम्म सङ्क्रमितको सङ्ख्या २५८ पुगेको छ।

आज शुक्रवार बिहान स्वास्थ्य मन्त्रालयले जारी गरेको वक्तव्य अनुसार मकवानपुरका एकजना ३६ वर्षिय पुरुषमा कोरोनाभाइरस सङ्क्रमण देखिएको छ।

बाँकी ८ जना अन्य संक्रमित सबै १८ देखि ३६ वर्षिय पुरुषहरू बाँके जिल्लाको नैनापुरका रहेका छन् । उनीहरूको नमुना राष्ट्रिय जनस्वास्थ्य प्रयोगशाला काठमाण्डू र भेरी अस्पताल नेपालगञ्जमा परीक्षण गरिएको थियो।

सङ्क्रमितहरूको स्वास्थ्य अवस्था सामान्य रहेको र उनीहरू स्वास्थ्यकर्मीको सम्पर्कमा रहेको मन्त्रालयले जनाएको छ।