धनकुटामा एक पुरुषको शव फेला

धनकुटा : एक पुरुषको शव शुक्रबार बिहान साँगुरीगढी गाउँपालिकामा फेला परेको छ।

धनकुटाको साँगुरीगढी गाउँपालिका ५ डाँडाबजारमा ४० वर्षीय राजकुमार मगरको शव शुक्रबार बिहान फेला परेको धनकुटा प्रहरीले जनाएको छ।

भेडेटार रवि राँके सडकमा काम गरिरहेका मगरको शव फेला परेको धनकुटाका प्रहरी प्रबत्ता डिएसपी नरेन्द्र कुँवरले जानकारी दिए।

मगरको मृत्युको कारणबारे अनुसन्धान भइरहेको उनको भनाइ छ। घटनास्थललाई सुरक्षित राखेर अनुसन्धान गरिरहेको कुँवरको भनाइ छ। मृतकको नाम खुलेपनि ठेगाना खुल्न बाँकी रहेको उनको भनाइ छ।

मृतक मगर राष्ट्रिय गौरवको आयोजना भेडेटार रवि राँके सडक विस्तार भइरहेका ठाउँमा मजदुरको रुपमा कार्यरत रहेको खुल्न आएको प्रहरीले जनाएको छ।